904 milionë franga për ndihmat sociale të azilkërkuesve

Shumica e shpenzimeve shkojnë në ngarkesë të federatës pasi që ajo i paguan ndihmat sociale gjatë vitit të parë të qëndrimit të azilkërkuesve

Keystone

Sekretariati Shtetëror për Migracion (SEM) për gjithë vitin 2016 ka caktuar një buxhet prej 1.5 miliard frangash. Pjesa më e madhe nga kjo shumë, 940 milionë franga, shkojnë për ndihmat sociale për azilkërkuesit, të pranuarit e përkohshëm (F) dhe për refugjatët, shkruan “SonntagsZeitung” në botimin e sotëm.
Vitin e kaluar për këto destinime ishin buxhetuar fillimisht 746 milionë franga, por qysh në muajin shtator ishte parë se nevojiteshin edhe 207 milionë franga shtesë, transmeton albinfo.ch Kjo kishte ndodhur pasi që fillimisht ishte parashikuar se në Zvicër do të vinin vetëm 22 mijë refugjatë ndërkohë që deri në fund të vitit erdhën afër 40 mijë gjegjësisht më së shumti që nga koha e luftës në Kosovë dhe fluksi i refugjatëve nga atje.
Shumica e shpenzimeve shkojnë në ngarkesë të federatës  pasi që ajo i paguan ndihmat sociale gjatë vitit të parë të qëndrimit të azilkërkuesve. Ndërsa në vitet vijuese, një numër i madh i tyre u bartet kantoneve dhe komunave.
SEM është duke shqyrtuar mundësi të ndryshme për uljen e shpenzimeve në fushë të azilit dhe po ashtu për përballimin e numrit të madh të kërkesave për azil .

Njëra ndër mundësitë është shkurtimi i procedurës së azilit, ka thënë sekretari shtetëror i SEM-it. Në të ardhmen, sipas tij, 60 për qind e të gjitha kërkesave do të trajtohen dhe përmbyllen brenda 140 ditëve.