7 mijë ushtarë në kufijtë me SHBA-në

Honduras Foto: Ilustrim

“Patrioti besnik” është operacioni, i cili do të mbledhë më shumë se 7 mijë ushtarë në shtetet amerikane që kufizohen me Meksikën.

Këta ushtarë do të pozicionohen deri në fundjave në vendet si Kaliforni, Arizona e Teksas, dy ditë para zgjedhjeve të 6 nëntorit, ku presidenti Donald Trump ka vendosur që në qendër të fushatës të jetë imigracioni, shkruajnë mediat amerikane, përcjell albinfo.ch.

Zëdhënësi i Komandës veriore të Ushtrisë amerikane, Michael Kucharek, ka thënë se dërgimi në kufi i 5 mijë e 239 ushtarëve,ishte bashkimi me 2 mijë e 100 rezervistë të Gardës Kombëtare, të cilët ishin dislokuar prej muajsh.

E gjithë kjo po bëhet për të bllokuar karavanët e migrantëve, të cilët po vërshojnë drejt Shteteve të Bashkuara të Amerikës për të kërkuar azil.