Lajme
63 % e zviceranëve janë për ndalimin e burkës
Rezultatet e sondazhit të parë tregojnë një polarizim relativisht të fortë midis partive: të majtat janë kundër dhe të djathtat, pro
Nëse do të votohej sot, ndalimi i burkës do të pritej çuditërisht mirë nga zviceranët. Kështu të paktën tregon një sondazh përfaqësues.
Ndalimi i burkës, gjegjësisht iniciativa që do të votohet më 7 mars ka marrë aprovimin e shumicës në sondazhin e parë të realizuar nga gazetat 20 Minuten / Tamedia.
Sipas gjendjes së sotme, 63 për qind e zviceranëve do të kishin votuar pro iniciativës popullore “Po për ndalimin e mbulesës” ndërsa 35 për qind do ta kishin refuzuar atë, trasnmeton albinfo.ch.
Rezultatet e sondazhit të parë tregojnë një polarizim relativisht të fortë midis partive: Votuesit e majtë janë kundër propozimit, ndërsa votuesit e CVP dhe FDP janë pro. Ndërkaq, siç dhe pritej, mbështetja në SVP është shumë e lartë.
Argumenti më bindës për ithtarët është se mbulesa e fytyrës është një shprehje e Islamit radikal dhe nuk ka vend në kulturën perëndimore, përcjell albinfo.ch.
Refuzimi i kundërshtarëve bazohet veçanërisht në dy pika: Nga njëra anë, ata janë të mendimit se është një numër i vogël i grave që mbajnë burka, dhe nga ana tjetër, shteti duhet të qëndrojë jashtë kodeve të veshjes të bëra privatisht.
Këshilli Federal ka kundërshtuar iniciativën dhe ka dalë me një kundërpopozim. Sipas tij, mbulesa është çështje e përcaktimit personal por ajo duhet të hiqet para autoriteteve, në rastet kur kërkohet të bëhet identifikimi i personave që bartin atë mbulesë.
Të ngjashme
Të tjera nga Lajme
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?