Lajme
Fillon “Java Kulturore Shqiptare” në Zvicër
Në mbrëmjen e parë, para publikut punimet e tyre i kanë prezantuar dy krijues: Adem Dërmaku, piktor, grafist dhe Rromir Imami, fotograf
“Java e Kulturës Shqiptare”, aktivitet i organizuar në Cyrih, nga Kuvendi i Shqiptarëve të Zvicrës ka pasur të premten mbrëmjen e saj të parë.
Kjo “Javë…” vjen si një përpjekje për të pasuruar jetën kulturore të komunitetit tonë dhe për të prezantuar para zviceranëve vlerat tona kulturore. Në kuadrin e aktiviteteve të kësaj jave janë përfshirë, ekspozita, promovime librash, debate, muzikë etj.
Në mbrëmjen e parë, në emrin e organizatorit, ka folur Orhan Spahiu, anëtar i kryesisë së KSHZ. Ai ka theksuar me këtë rast se “Java Kulturore Shqiptare” është aktiviteti i parë i këtij lloji i KSHZ dhe se është realizuar falë bashkëpunimit edhe me disa subjekte të tjerë. Këtu ai ka përmendur ndihmesën e Shoqatës së Krijuesve Shqiptarë të Zvicrës, Qenndrës GZ Seebach (ku mbahet aktiviteti) LAPSH-së dhe platformës albinfo.ch e cila është partnere mediale e organizimit.
Spahiu, në fjalën e tij ka shprehur besimin se ky aktivitet do të bëhet tradicional dhe për këtë ka kërkuar bashkëpunimin e sa më shumë shoqatave dhe subjektve tjera shqiptare në Zvicër.
Në mbrëmjen e parë, e cila kishte më shumë karakter të hapjes së aktivitetit disaditësh, para publikut punimet e tyre i kanë prezantuar dy krijues: Adem Dërmaku, piktor, grafist dhe Rromir Imami, fotograf. Në emrin e shoqatës së krijuesve ka folur Adem Dërmaku, i cili, me pak fjalë ka përshkruar përmbajtjen e ekspozitës.
Gjatë rrjedhës së mbrëmjes, mysafirët kanë pasur rastin të shijojnë një apero të pasur me ushqime tradicionale shqiptare dhe me verë nga Kosova.
“Java Kulturore shqiptare në Zvicër” vazhdon sonte me mbrëmjen e saj të dytë. Në program është një debat në gjuhën gjermane lidhur me historinë dhe aktualitetin e shqiptarëve në Zvicër.
Të gjitha aktivitetet e “Javës…” mbahen në GZ Seebach, Zürich.
(Fotot: Armend Berisha, albinfo.ch)
Nesër, më 1 tetor, fillon “Java Kulturore Shqiptare” në Zvicër
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë