500 të vdekur nga gripi, të infektuar në spitale!

Numri prej 500 viktimave të gripit të fituar në spitale gjatë sezonit të kaluar dimëror është nxjerrë nga një përllogaritje që ka bërë Spitali Universitar i Gjenevës

Gjatë dimrit të kaluar në Zvicër kanë vdekur së paku 500 persona vetëm  nga infektimet me grip që i kanë marrë në spitale. Virusi vdekjeprurës është bartur nga personeli dhe nga vizitorët në spital.
Numri prej 500 viktimave të gripit të fituar në spitale është nxjerrë nga një përllogaritje që ka bërë Spitali Universitar i Gjenevës. Një shifër e tillë është më e madhja që ka ndodhur deri më tash në Zvicër.

Kjo gjendje ka bërë që, në prag të sezonit të dimrit, spitali i Bazelit të ngre alarmin për mbrojtje më efektive nga ky rrezik.
Masat që ka marrë Spitali Universitar i Bazelit janë veçanërisht drastike. Profesori universitar, njeherësh shef i higjenës në këtë spital, Andreass Widmer ka kërkuar një ndalesë të vizitave për fëmijët e vegjël. “Një ndalesë të tillë do ta kisha përshëndetur”, ka thënë ai për “Sonntagszeitung”. Këtë qëndrim, doktori  e mbështet në atë se fëmijët e bartin më shumë virusin e gripit se të rriturit. Në pështymën e tyre ka shumë më tepër viruse se në atë të të rrituve.
Ndalesa e vizitave për fëmijët ende nuk është përmendur në spitalet tjera universitare si në spitalin e Bernës dhe në atë të Cyrihut.

Por qëndrim rigoroz në këtë pikë është duke treguar Spitali Universitar i Gjenevës. Atje është angazhuar një lloj “policie e higjenës” e cila kontrollon personelin nëse është duke i përdorur maskat obligative të punës dhe nëse i pastron duart sipas rregullave në fuqi. Kjo për faktin se është vlerësuar se rreth gjysma e rasteve të gripit të fituar në spitale barten nga personeli te pacientët. Gjysma tjetër e viruseve vjen nga vizitorët.
Se sezoni i kaluar dimëror ka qenë veçanërisht i rëndë sa i përket gripit, tregon kjo statistikë: gjatë atij sezoni kanë vdekur rreth 2300 persona të moshës mbi 65 jeçare më shumë senë një sezon “normal”, shkruan SonntagsZeitung.