Lajme
4 vjet e 4 muaj burg për rastin më të rëndë të korrupsionit në administratën zvicerane
Dënimi maksimal që mund të shqiptohej për këtë rast nga Gjykata Penale Federale ishte shtatë vjet e gjysmë heqje lirie
Gjykata Penale Federale në Bellinzona ka përmbyllur sot njërin nga rastet më të mëdha të korrupsionit në historinë e administratës federale zvicerane. Ajo ka dënuar një ish -punonjës të Sekretariatit Shtetëror për Çështjet Ekonomike (Seco) me katër vjet e katër muaj burg.
Ai kishte marrë ryshfete prej më shumë se 1.7 milionë frangash, shkruan srf.ch.
Rasti qe zbuluar në vitin 2014, trasnmeton albinfo.ch. Shefi i atëhershëm i departamentit në Sekretariatin Shtetëror për Çështjet Ekonomike (Seco) kishte dhënë kontrata të çmuara të IT dhe në këmbim ka marrë para, bileta futbolli VIP dhe udhëtime.
Bëhet fjalë për porositë e IT me vlerë prej gati 100 milionë frangash dhe ryshfete prej mbi 1.7 milion frangash. Edhe tre sipërmarrës të përfshirë në këtë aferë u desh të përgjigjeshin në gjykatën penale federale për shkak të ryshfetit të pretenduar.
Procesi filloi në fillim të gushtit. Zyra e prokurorit federal kërkoi katër vjet burg plus një gjobë për punonjësin e akuzuar kryesor Seco. Dënimi maksimal që mund të shqiptohej për këtë rast ishte shtatë vjet e gjysmë heqje lirie.
Aktakuza ka mbi 400 faqe
Në aktakuzën prej 400 faqesh, vetëm lista e dhuratave që akuzohet se ka pranuar zyrtari, zë disa faqe.
Ky është një nga rastet më të mëdha të korrupsionit në historinë e administratës federale të Zvicrës dhe si i tillë dëmton reputacionin e kësaj administrate, shkruan prokurori federal në aktakuzë.
Ky proces është përpjekja e dytë për të ngritur akuzë lidhur me rastin. Vitin e kaluar zyra e prokurorit federal kishte hedhur poshtë aktakuzën e parë për shkak të pasaktësive të konstatuara.
Të ngjashme
Të tjera nga Lajme
E-Diaspora
-
Kurti dhe Rozeta Hajdari vizituan Panairin e “Hannover Messe 2024” Gjermani: Ministrja e Industrisë, Ndërmarrësisë dhe Tregtisë, Rozeta Hajdari, së bashku me kryeministrin e Republikës së...
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
SHKA “Dardania” nga Winterthuri do të marrë pjesë në festivalin folklorik “Hasi Jehon”
-
Kevin Sekniqi, shqiptari i radhës i përfshirë në renditjen e prestigjiozes Forbes
Jeta në Austri
-
Bora zbardh Austrinë Austria sot është mbuluar nga bora. Mediat raportojnë se në vendet malore, reshjet kanë qenë më...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa