Lajme
Burg me kusht dhe 5 vjet dëbim për shqiptarin që ka vjedhur 1.2 milion CHF
Shqiptari që ka përvetësuar 1.2 milionë franga nga dy fermerë zviceranë dënohet me 34 muaj burg (pjesërisht me kusht) dhe dëbim nga vendi
25-vjeçari shqiptar ka vjedhur gjithsej 1.2 milionë CHF nga dy burra nga regjioni Oberland i Cyrihut respektivisht nga kantoni St. Gallen, transmeton albinfo.ch. Ai qe takuar me dy viktimat në një platformë homoseksuale në vitin 2018. Dy burrat ishin në mesin e të 50-tave, të martuar, jo homoseksualë, por ishin duke kaluar një fazë të vështirë të jetës së tyre.
I akuzuari u kishte ofruar atyre afërsi fizike dhe kishte sinjalizuar ndjenja miqësore. Ai shtirej para tyre se ishte në vështirësi financiare dhe kishte nevojë për para. 25 vjeçari u kishte premtuar atyre se do t’i kthente paratë sepse pritej të trashëgonte një shumë të madhe nga një beqar, mik i tij në Angli i cili i kishte ende 200 mijë euro borxh, shkruan 20minuten.ch.
Më pas, dy burrat i kanë paguar gjithsej 1.2 milionë franga për rreth tre vjet. Burri nga Oberlandi i Cyrihut rreth 400.000 franga ndërsa tjetri, nga kantoni St. Gallen mbi 800.000 franga.
Prokurorja e ka akuzuar shqiptarin për mashtrim në stil të gjerë dhe ka kërkuar dënim me katër vjet burg të pakushtëzuar dhe 10 vjet dëbim nga vendi. “I akuzuari ka vepruar me mashtrim. Ai ka ngritur një godinë gënjeshtrash dhe ka shfrytëzuar varësinë emocionale të viktimave”, tha ajo në gjyqin para Gjykatës së Qarkut Hinwil (ZH) të martën e kaluar.
Në të kundërt, avokati i tij ka kërkuar lirim të pjesshëm dhe dënim me burg me kusht prej vetëm 20 muajsh. “Dy viktimat kanë injoruar të gjitha sinjalet e alarmit”, përcjell albinfo.ch. Më së voni deri në fund të vitit 2020, ata duhet të kishin kuptuar se po mashtroeshin nga i akuzuari. Ata duhej ta dinin që nuk do t’i merrnin më paratë dhe megjithatë vazhdonin të paguanin. “Këtu kemi të bëjmë po ashtu me përgjegjësi të viktimës”, është shprehur mbrojtësi.
Për gjykatën ekziston edhe bashkëpërgjegjësia e viktimës
Gjykata e qarkut e Hinvilit ishte e të njëjtit mendim me avokatin mbrojtës, sa i përket bashkëpërgjegjësisë së viktimave, siç mund të shihet nga aktgjykimi me shkrim.
Kështu, shqiptari u dënua me 34 muaj burg pjesërisht me kusht për vetëm disa nga veprat e mashtrimit tregtar. 25 vjeçari i burgosur prej një viti, duhet të vuajë 14 muaj burg efektiv, transmeton albinfo.ch. Si baba i një vajze njëvjeçare, megjithatë, dëbimi pesëvjeçar nga Zvicra do të rëndojë më shumë, pasi ai është i fejuar me një zvicerane me rrënjë kosovare dhe dëshiron të fillojë një jetë së bashku këtu. Për më tepër, i papuni duhet t’u paguajë viktimave të tij rreth gjysmën e 1.2 milionë frangave zvicerane që ka marrë prej tyre.
Të ngjashme
Të tjera nga Lajme
E-Diaspora
-
Itali, shpallen në kërkim 4 shqiptarë për këto arsye Policia shqiptare dhe ajo italiane janë përfshirë gjatë ditës së sotme në një operacion të përbashkët...
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
-
Itali
Irma Kurti vlerësohet me “Çmimin e Kulturës” në Itali
-
Pianistja e njohur kosovare, Lule Elezi, mban koncert recital në vendlindjen e Shopenit
Jeta në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj Bonusi i klimës do të jepet për të gjithë personat që janë banorë të regjistruar në...
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun