Shkurt.ch
315 miliardë euro për 28 vendet anëtare të BE-së
Kreu i Komisionit Evropian, Jean-Claude Juncker, ka prezantuar programin gjigant të investimeve prej 315 miliardë eurosh për ekonominë evropiane. Planet e Junckerit shihen si sinjale shprese, por ka edhe zëra kundër.
Qëllimi i paketës gjigante të Junckerit është mobilizimi i investimeve në Evropë në tre vjetët e ardhshëm.
Zemra e projektit gjigant është fondi i ri për investimet strategjike, i cili do të sigurojë projekte infrastrukturore për energjitë e rigjenerueshme, transport, arsim dhe shkencë dhe do të prodhojë shumëfish investime private.
Ky fond do të përbëhet nga 16 miliardë euro nga instrumentet e BE-së dhe 5 miliardë euro nga Banka Evropiane e investimeve.
KE parashikon që 21 miliardë eurot të nxisin investime që janë 15 fish më të larta.
Evropa duhet të kuptojë më në fund që është një “komunitet me fat të përbashkët”, tha Juncker para Parlamentit Evropian.
Ekonomitë janë të ndërlidhura me njëra-tjetrën. “Më shumë rritje ekonomike në jug të Evropës, do të thotë më shumë rritje ekonomike edhe për Gjermaninë”, theksoi Juncker.
Megjithatë, sipas evrodeputetit gjerman, Ferber, këto 300 miliardë euro investime u propozuan pa nevojë nga Jean-Claude Juncker. Ndërkohë grupet kryesore parlamentare të Parlamentit Evropian i mbështesin planet e presidentit të Komisionit Evropian, Jean-Claude.
Kreu i socialdemokratëve në PE, Gianni Pittela, e përshëndeti edhe klauzolën e re për lënien jashtë llogaritjes së deficiteve buxhetore kontributin financiar të vendeve anëtare në fondin e ri të investimit të BE-së.
E-Diaspora
-
Aviokompania zvicerane që flet shqip Aviokompania zvicerane CHAIR është e vetmja kompani që ofron sqarime të specializuara në gjuhën shqipe në...
-
LAPSH e Cyrihut përshëndet përpjekjet për institucionalizimin e mësimit shqip në diasporë
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?