31 njerëz u mbytën në ujërat zvicerane, shumica të huaj

15 aksidente fatale kanë ndodhur në liqene, 14 në lumenj. Pjesa më e madhe e viktimave, gjithsej prej 27 ishin të gjinisë mashkullore, vetëm dy në mesin e tyre ishin gra. Edhe dy fëmijë u mbytën duke u larë në lumë.

Numri i viktimave është rreth njëzet për qind më i lartë se vitin e kaluar, vetëm deri nga mesi i korrikut 26 njerëz u mbytën. Në përgjithësi, në vitin 2015, 48 persona u mbytën gjatë sezonit të larjes, 21 më shumë se në vitin 2014.

Një përqindje e lartë është e të huajve në mesin e viktimave të mbytura në ujërat zvicerane. Në gjashtë muajt e parë të këtij viti, sipas ekipeve të shpëtimit, 17 turistë, refugjatë ose azilkërkues humbën jetën.

Aksidentet në ujë nodhen pavarësisht rregullave të larjes në disa gjuhë: arabisht, somalisht, tigriniaisht, tamile, anglisht, serbo-kroatisht, portugalisht dhe në gjuhën për njerëzit nga Eritreja.