300 çanta shkollore për nxënësit në Shqipëri

Sabine Beck është e entuziazmuar: 300 çanta shkollore janë palosur deri tash në ndërtesën e shoqatës humanitare kishtare “Christliche Hilvsverein Wismar (CHW). “Në muajin mars e kam iniciuar aksionin bamirës “Çanta shkolle për Shqipërinë”.  E kam filluar me katër çantat e fëmijëve të mi dja tsh numri ka arritur në 300”. Aksioni vazhdon deri më 11 nëntor. Çantat pastaj transportohen me konvojin  e CHW që shkon në Shqipëri , ku fëmijëve do t`u dorëzohen pikërisht për festën e Adventit, shkruan schwerin-lokal.de. Ideja ka ardhur spontanisht, kur po e festonim ditëlindjen time. Gëzohem që me këtë dhuratë mund ta përmirësojmë gjendjen në fshatrat malorë të Shqipërisë. CHW ka vite që punon në këtë drejtim”, thotë Beck.

Veç çantave do të ketë  edhe kapela, shalle dhe doreza. Ndërsa çantat nuk do të jenë  boshe. Në shumicën prej tyre janë futur edhe lapsa, fletore, lodra të vogla, kuti për vendosjen e ushqimit etj.

Më 19 shtator në kuadrin e Javës ndërkulturore mbahet një aktivitet informativ lidhur me gjendjen sociale në Shqipëri. Kush ka dëshirë mund të sjellë me vete ende ndonjë shall, kapele, lapsa dhe gjësende tjera shkollore. Ndërsa për argëtim të mysafirëve kujdeset grupi folklorik shqiptar “Mërgimtari” ndërsa CHW me kryetarin e saj Frieder Weinhold do të ofrojnë specialitete nga kuzhina shqiptare.