30 për qind azilkërkues më pak gjatë nëntorit

Siç bën të ditur Zyra Federale për Migracion (BFM) gjatë nëntorit kërkesa për azil kanë paraqitur 1711 veta

Një trend jo tipik e ka karakterizuar nëntorin e këtij viti, sa i përket fluksit të atyre që kanë paraqitur kërkesë për azil në Zvicër. Plot 30 për qind më pak të huaj se një muaj më parë ia kane mësyrë gjatë muajit që shkoi qendrave të azilit në këtë vend.

Siç bën të ditur Zyra Federale për Migracion (BFM) gjatë nëntorit kërkesa për azil kanë paraqitur 1711 veta. Rënien më të madhe në listat e paraqitjes e ka shënuar numri i shtetasve të Eritresë, të cilët kohëve të fundit kanë qenë vazhdimisht të parët. Kështu, përderisa në tetor në Zvicër kanë kërkuar azil 427 eritreanë, në nëntor kanë qenë vetëm 295 sish.  

Një rënie e madhe, 38 për qind është shënuar te numri i azilkërkuesve nga Siria, vend ky nga i cili në nëntor kanë ardhur 213 azilkërkues.

Rënie kanë pësuar edhe shifrat e azilkërkuesve nga Afganistani, Sri Lanka, Nigeri dhe Somalia.