Detektivët zbulojnë abuzimin me 450 mijë franga të ndihmave sociale

Shoqata e inspektoratit social e Bernës gjatë vitit të kaluar ka hetuar 108 raste të dyshuara për abuzim me ndihmat sociale. Në më shumë se gjysmën e tyre ose në 60 raste është dëshmuar një abuzim i tillë, ka bërë të ditur kjo shoqatë në një komunikatë të publikuar sot.  Në 28 raste dyshimet kanë rezultuar të pabazuara ndërsa në tri raste gjendja mbetet e paqartë, transmeton albinfo.ch. Në 17 raste të tjera ka ndërhyrë inspektorati në marrëveshje me shërbimet përgjegjëse sociale.

Në 60 rastet në të cilat abuzimi është vërtetuar, janë keqpërdorur rreth 450 mijë franga.

Shoqata e përmendur, me një mision mjaft specifik, është formuar në vitin 2012 nga Inspektorati social i Bernës, për të hetuar rastet e dyshuara për abuzim me ndihmat sociale. Ajo në të vërtetë është e pe¨rbërë nga të ashtuquajtur “detektivë socialë”.

Dyshimet mund t`i mbështesin në gjendjen e të ardhurave që kanë  shfrytëzuesit e ndihmave sociale por edhe në të dhënat që ata ofrojnë lidhur me hgjendjen e banimit dhe të punës.