11-vjeçarja shqiptare përfaqësoi për herë të parë Shqipërinë në Sanremo

11-vjeçarja nga Lezha, Kiara Ibraj, është një ndër 24 finalistët e këtij edicioni të Sanremo Junior që mbahet në Itali. Ajo është ngjitur në skenën e “Sanremos” dhe ka performuar këngën “Never Enough” nga Loren, duke i mahnitur të gjithë, përcjell albinfo.ch.

E veshur me një kostum të bardhë, Kiara Ibraj u ngjit në skenë me një performancë të jashtëzakonshme, duke impresionuar të pranishmit me zërin e saj në këtë konkurs për grupmoshat 6 deri në 15 vjeç, e duke bërë krenarë të gjithë shqiptarët. Pjesë e spektatorëve ishin dhe përfaqësues të Bashkisë Lezhë dhe shumë emigrantë shqiptarë në Itali, të cilët ndoqën përformancen e 11-vjeçares.

Kjara Ibraj, talentja nga Lezha, ka nisur të këndojë që në moshën 4-vjeçare, duke ndjekur dhe kurse kantoje. Puna dhe angazhimi që në moshë të vogël duket që është shpërblyer, pasi 11-vjeçarja ka “çuar” Shqipërinë në “Sanermo Junior”.