Bota
Zyra e Johnsonit: Bisedimet me BE-në për Brexit-in do të intensifikohen
Bisedimet midis Britanisë dhe Bashkimit Evropian për marrëveshjen e Brexit-it, apo daljes së Britanisë nga BE-ja, do të intensifikohen, tha zyra e kryeministrit britanik, Boris Johnson.
Komunikata pason takimin e Johnsonit në Bruksel me presidentin e Komisionit Evropian, Jean-Claude Juncker, përcjell albinfo.ch.
“Dy udhëheqësit u pajtuan që bisedimet duhet të intensifikohen dhe që takimet, së shpejti, të zhvillohen në baza ditore”, thuhet në komunikatë.
Sipas së njëjtës, Johnson nuk do të kërkojë shtyrje të Brexit-it përtej 31 tetorit.
Johnson këmbëngul se Brexit-i duhet të ndodhë në këtë datë, me ose pa marrëveshje me BE-në mbi kushtet e divorcit.
Vitin e kaluar, paraardhësja e Johnsonit, Theresa May, ka arritur marrëveshje me BE-në për Brexit-in, por ajo është refuzuar tri herë nga Parlamenti – çfarë e ka detyruar Mayn të japë dorëheqje.
Kundërshtimet e marrëveshjes kanë pasur të bëjnë kryesisht me politikat që i parashihte në kufirin me Irlandën.
Pas takimit të hënën, zyra e Junckerit tha se Britania nuk ka dalë ende me propozime që do t’i zëvendësonin këto politika.
Institucionet financiare e kanë paralajmëruar Britaninë për pasoja të rënda ekonomike nëse ajo e lë BE-në pa marrëveshje.
Qytetarët britanikë kanë vendosur për Brexit-in në një referendum të mbajtur në vitin 2016.
Të ngjashme
Të tjera nga Bota
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri