Zvicra përgatitet për fluksin e madh të refugjatëve nga lindja

"Nuk përjashtohet që “në ditët në vijim të ketë shtim të madh numrit të azilkërkuesve në kufirin lindor të vendit”, thuhet në një qarkore që Berna zyrtare u ka dërguar kantoneve

Keystone

Sekretariati Federal për Migracion (SEM)u ka kërkuar kantoneve permes një letre qarkore që të shpejtojnë marrjen e masave për një rritje të shpejtë dhe të madhe të numrit të refugjatëve.

Që nga pranevera e këtij viti, autoritetet në Bernë i kanë zgjeruar kapacitetet e strehimit për refugjatët e rinj të pritshëm nga 2400 vede sa ishin në 3100. Përveç kësaj, janë rekrutuar edhe përkthyes të rinj, thuhet në letrën të cilën e ka publikuar nzz dhe e kanë transmetuar mediet tjera zvicerane. Nuk përjashtohet që “në ditët në vijim të ketë shtim të  madh numrit të azilkërkuesve në kufirin lindor të vendit”.

Ndërkq, deri tash numri i refugjatëve që kanë ardhur nga kufiri lindor, sipas ekzekutivit të Kantonit St. Gallen ka qenë rreth 80 në ditë. Në këtë kanton vlerësohet se do të shtrohet nevoja e shtimit të vendeve në dispozicion për strehim, krahas atyre në qendrat federale që tashmë janë të mbushura plot. Për këtë arsye, komunat kanë përgatitur vende plotësuese strehimi për refugjatët, mes tjerash edhe bunkerë.