Zvicra mbetet pa karburante

Zvicra ditët e fundit u përball me një sfidë serioze – mungesën e karburanteve të mjaftueshme në pompat e benzinës. Ndoshta tingëllon çuditshëm se si në vendin më të pasur në botë përjetohet një mungesë e karburanteve, por ka një shpjegim logjik.

Për shkak të problemeve teknike gjatë javës së fundit rafineria e vetme ka stopuar punën. Për ta bërë situatën edhe më të komplikuar, niveli i Rajnës është i ulët dhe importi i lëndëve djegëse me anije aktualisht është i pamundur, raporton Handelszeitung, përcjell albinfo.ch.

Autoritetet zvicerane vendosën të shfrytëzojnë rezervat shtetërore të benzinës dhe naftës. Kështu, duke shpresuar për të shmangur më të keqen – që të mbeten pompat e benzinës pa karburante.

Në fakt, praktikisht për herë të parë Zvicra po i shfrytëzon rezervat shtetërore të naftës që prej Luftës së Dytë Botërore, shkruan gazeta.