Zvicra konfirmon mbështetjen për administrimin e financave në Shqipëri

Konfirmimi erdhi nga Sekretariati Shtetëror i Zvicrës për Çështjet Ekonomike SECO, Bashkimi Evropian dhe Fondi Monetar Ndërkombëtar

Konfirmohet vazhdimi i mbështetjes për administrimin e të ardhurave dhe menaxhimin e financave publike në Shqipëri dhe Ballkanin Perëndimor, thuhet në një njoftim të publikuar në faqen e FB të Ambasadës së Shqipërisë në Bernë.

Ky konfirmim erdhi nga Sekretariati Shtetëror i Zvicrës për Çështjet Ekonomike SECO, Bashkimi Evropian dhe Fondi Monetar Ndërkombëtar.

Të tre partnerët për zhvillim u takuan në Bernë më 27 dhe 28 qershor së bashku me përfaqësues nga 6 vendet e Ballkanit Perëndimor gjatë Takimit Vjetor të Koordinimit për programin mbi Administrimin e të Ardhurave dhe Reformën e Menaxhimit të Financave Publike në Europën Juglindore, përfundon njoftimi.

---