Zvicra kërkon vendin e parë në grup

Zvicra do të ndeshet me Belgjikën nga ora 20:45, ku do të vendoset se kush do të jetë në vendin e parë

Sonte Zvicra nga ora 20:45 e pret Belgjikën në kuadër të Ligës së Kombeve. Kjo është ndeshja e fundit në grup, ku do të vendoset gjithçka, shkruan albinfo.ch.

Helvetikët kanë gjashtë pikë, derisa Belgjika nëntë, duke qenë lidere e grupit.

Nati duhet të fitojë me më shumë se dy gola epërsi, për të dalë në vendin e parë, dhe të kualifikohet në “play-off”, për fituesin e tërësishëm të Ligës së Kombeve.

Zvicra pak ditë më parë u mund në miqësore nga Katari, megjithatë, pritet të luajnë për fitore. Takimin e parë e kishin fituar belgët me rezultat 2:1.

Për këtë ndeshje janë ftuar si zakonisht Granit Xhaka, Xherdan Shaqiri dhe Albian Ajeti.

Pjesë e këtij grupi është edhe Islanda, që ka katër humbje në katër ndeshje.

---