Zvicra ka nevojë për më pak doktorantë

Në tregun e punës doktoratura gjithnjë e më shumë ka humbur rëndësinë. Ky është konkluzioni i një studimi i quajtur «Dr. Arbeitslos».

Brenda pesë vjetëve, numri i të papunëve me tituj doktorësh është trefishuar. Në maj të 2008-ës janë regjistruar 849 doktoratë si të papunë në gjithë Zvicrën, ndërsa në gusht të 2013-ës numri i tyre është rritur në 2707. Kështu thuhet në një raport të ri nga Këshilli Zviceran për Shkencë dhe Inovacione, Swir, një organ këshillimor i Këshillit Federal të Zvicrës.

Studimi është titulluar «Dr. Arbeitslos» dhe shqyrton situatën e punësimit të të gjithë të diplomuarve të doktoraturës, me përjashtim të mjekëve.

“Rritja e papunësisë me një doktoraturë nuk shpjegohet larg”, thotë për NZZ kryetari i Svir, Astrid Epiney, rektor i Universitetit të Freiburgut.

Autorët e studimit arrijnë në përfundimin se situata është “shumë serioze”.

„Integrimi në tregun e punës i të diplomuarve të doktoraturës është i vështirë”, shkruajnë ata.

Në këtë studim thuhet se titulli ka humbur rëndësinë ekonomike.

Këtë e ka konfirmuar për “NZZ am Sonntag” Jürg Zellweger, nga Shoqata e punëdhënësve, përcjell albinfo.ch.