Zvicra i dhuron Kosovës vaksina kundër paralizës së fëmijëve

2305 doza të vaksinave „Poliorix®", kundër kësaj sëmundjeje, të magazinuara në barnatoren ushtarake të Zvicrës janë dhuruar për qytetarët e Kosovës

Zyra Federale e Zvicrës për Shëndetësi (BAG) ka konstatuar se në Zvicër nuk nevojitet më vaksinimi kundër paralizës së fëmijëve (poliomielitis).

2305 doza të mbetura të vaksinave kundër kësaj sëmundjeje „Poliorix®”, të magazinuara në barnatoren ushtarake, të cilave në rast mospërdorimi do t`u dilte afati në fund të shtatorit të vitit 2013, janë dhuruar për qytetarët e Kosovës, bën të ditur Zyra për informim e Departamentit të Mbrojtjes në një komunikatë.

Shpërndarjen falas të këtyre vaksinave në Kosovë e ka marrë përsipër Ambasada e Zvicrës në Prishtinë.

Ministria Kosovare e Shëndetësisë ashtu sikurse ajo zvicerane, kanë dhënë pëlqimin për këtë dhurim. Ai do të bëhet përmes transportit të zakonshëm që e bën SWISSCOY, ndërsa shpërndarja e injeksioneve me dozë prej 0.5 mililitrash nëpër Kosovë do të bëhet ditëve të ardhshme përmes Ambasadës Zvicerane në bashkëpunim me Universitetin e Prishtinës, njofton zyra për informim e Departamentit të Mbrojtjes të Zvicrës.

http://www.news.admin.ch/dokumentation/00002/00015/?lang=de&msg-id=48495