Koronavirusi: çast pas çasti

Zvicra heq karantinën për Vjenën, Burgerland, Austrinë e Ulët dhe Kärnten

Kjo rregullore do të hyjë në fuqi nga dita e enjte, më 6 maj, ka njoftuar BAG

Zyra Federale e Shëndetit Publik (BAG) në Zvicër ka befasuar sot me një lajm të mirë. Zvicra sot ka hequr nga “lista e zezë” të gjithë shtetet e Ballkanit Perëndimor, duke përfshirë edhe heqjen e karantinës për Kosovën, Maqedoninë e Veriut, Malin e Zi e shtete të tjera. Shqipërinë e kishte hequr rreth një muaj më parë, raporton albinfo.at.

Me riaktualizimin e listës, Zvicra, krahas shumë shteteve, ka hequr karantinën edhe për landet austriake, si: Vjenën, Buergerland, Austrinë e Ulët dhe Kärnten.

Kjo rregullore do të hyjë në fuqi që nga dita e enjte, më 6 maj, ka njoftuar BAG.

Hyrja në Zvicër nga shumë vende dhe rajone do të jetë e mundur përsëri nga e enjtja pa karantinë. Bëhet fjalë për shtetet dhe rajonet si vijojnë: Greqia, Republika Çeke, Ukraina dhe, në Itali, rajonet e Emilia Romagna, Toskana dhe Friuli / Venezia Giulia.

Në anën tjetër, duke filluar nga 17 maji do të hyjnë në listën e karantinës të Zvicrës shtetet dhe regjionet në vijim:  rajoni italian i Bazilikatës, Kosta Rikës, Gjeorgjia, Irani, Kolumbia, Letonia, Maldivet dhe Mongolia.

 


LAJME INTERESANTE NGA INTERNETI