Shkurt.ch

Zvicra dhe BE, në rrugë pa krye rreth Gjykatës Evropiane

BE-ja këmbëngulë se Gjykata Evropiane duhet të japë vendimet përfundimtare dhe detyruese në çështjet kontestuese në mes të Zvicrës dhe BE-së. Zvicra kundërshton

E mërkurë, 28 Tetor 2015 - 12:56 albinfo.ch

Bisedimet për arritjen e një marrëveshjeje institucionale kornizë në ms të Zvicrës dhe BE-së ndodhen në një qorrsokak. Siç kanë bërë të ditur zyrtarë të BE-së për SRF, BE-ja vazhdon të këmbëngulë se Gjykata Evropiane duhet të jetë ajo që jep vendimet përfundimtare dhe detyruese në çështjet kontestuese në mes të Zvicrës dhe BE-së.

Ministri i jashtëm i Zvicrës, Didier Burkhalter e kishte ofruar para dy vitesh një propozim për zgjidhje. Sipas tij Zvicra ofronte që në rastet e kontesteve të thirret gjykata në fjalë mirëpo me kusht që ajo të mos lëshojë vendime gjyqësore por të bëjë vetëm ekspertiza juridike. Pas kësaj, Zvicra dhe BE-ja duke u mbështetur në një ekspertizë të tillë  do të zhvillonin në baza politike bisedime se si do ta zgjidhnin kontestin konkret.
Kritikët qysh atëherë thoshin se BE-ja nuk do ta pranonte kurrë një propozim të tillë, gjë që edhe po dëshmohet. Nga ana tjetër as Zvicra nuk ka gatishmëri të pranojë që “gjyqtarët e huaj” të vendosin për çështjet që i takojnë asaj.
Për ketë arsye Qeveria Federale e Zvicrës sot është duke punuar në një klauzolë mbi politikën evropiane të vendit për të gjetur një alternativë të pranueshme rreth problemit. Pa zgjidhjen e kësaj çeshtjeje nuk do të ketë marrëveshje të reja bilaterale në me të Zvicrës dhe BE-së, ka theksuar tashmë disa herë BE-ja.

 Të ngjashme

Juristja shqiptare, në Gjykatën Europiane të Strasburgut

 Të tjera nga Shkurt.ch

Zvicra nuk prodhon më as gjysmën e asaj që konsumon

 E-Diaspora

 Jeta në Austri