Lajme

Zviceranët shtuan kilogramë gjatë pandemisë

Pandemia ka ndikuar në zakonet e të ngrënit në Zvicër, duke bërë që njerëzit të kenë mesatarisht tre kilogramë plus peshë, sipas një studimi të Universitetit të St Gallen, përcjell albinfo.ch.

Studimi, i zbuluar në televizionin publik zviceran SRF të dielën zbuloi se shtimi mesatar i peshës në të gjitha grupmoshat ishte 3.3 kg në vitin 2021.

Grupmosha më e prekur deri më tani: 45-64 vjeç, të cilët peshuan mesatarisht 6.7 kg shtesë.

“Nëse i krahasoni rezultatet në këtë studim me ato të mëparshme… atëherë ky shtim në peshë është jashtëzakonisht i lartë”, tha profesori i Universitetit të St Gallen, Thomas Rudolf, për SRF, përcjell tutje albinfo.ch.