Bota
Zviceranët, në gara ilegale në autostradat gjermane
Herë pas here zviceranët shfrytëzojnë autostradat gjermane për të bërë gara ilegale me automjetet e tyre. Dënimet nuk po i zmbrapsin, ndërsa gjermanët po mendojnë t’i ndryshojnë dënimet me ligj.
Natën e së shtunës, më 19 gusht 2017, dëshmitarët raportuan në policinë e Baden-Württemberg një garë të paligjshme në A81 me rreth 20 pjesëmarrës. Zyrtarët arritën të ndalonin vetëm dy pjesëmarrës, të dy ishin zviceranë. Ata duhej të paguanin një dënim prej disa mijëra frangash, shkruante policia në një deklaratë, përcjell albinfo.ch.
Hetimet në këtë rast janë ende në zhvillim e sipër. Sipas policisë, janë identifikuar tetë pronarë të automjeteve. “Të gjithë ishin me targa zvicerane”, thotë Markus Sauter, shef i shërbimeve publike në Policinë e Baden-Württemberg-ut.
Gjobat nuk po i zmbrapsin shoferët e çmendur: pjesëmarrja dënohet me një gjobë prej 400 eurosh dhe një ndalim mujor të ngasjes, njoftoi “Süddeutsche Zeitung”.
Një ligj i ri mund të parandalojë garuesit e paligjshëm. Ai parashikon që pjesëmarrësit të sanksionohen me burgim deri në dy vjet ose me gjobë. Nëse pjesëmarrësit kanë shkaktuar dëme gjatë garës, dënimi rritet deri në dhjetë vjet. Përveç kësaj, policisë i lejohet të lëvizë bashkë me garuesit. Prokuroria duhet të vendosë për këtë ligj, shpjegoi Sauter. Në shtator, Këshilli Federal në Gjermani merret me ligjin, shkruan “Stuttgarter Nachrichten”.
Sauter shpreson që garat ilegale do të pengohen nga ky ndryshim i ligjit, pasi automjetet e «raserëve» zviceranë mund të tërhiqen.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj