Zviceranët, jomiqësorë me të huajt “expat”

Atraktiviteti i Zvicrës vuan sipas një sondazhi, edhe sepse zviceranët janë të vrazhdë dhe jomiqësorë me ekspertët e huaj.

Në renditjen e klasifikuar nga ekspertët e huaj që me një term tjetër quhen “expat”, në mesin e vendeve më të mira të synuara, Zvicra renditet në vendin e 14-të. Në veçanti është vlerësuar cilësia e jetës në Zvicër për nga siguria, transporti dhe kujdesi mjekësor.

Përveç kësaj, punëtorët e huaj që pranojnë një punë në Zvicër për disa vjet, zakonisht sigurojnë edhe një pagë më të mirë se në vendin e tyre.

Tetë nga dhjetë të anketuarit nga kjo kategoria e quajtur «expat»  marrin një pagë më të lartë.

Dhe, në krahasim me pagën që ofrohet në vende të tjera, Zvicra figuron lart në renditje.

Megjithatë, paga e lartë është vënë në një perspektivë tjetër me koston e jetesës në Zvicër.

Pra ekspertët e huaj ankohen në këtë vend në mënyrë të veçantë në lidhje me mungesën e banimit të përballueshëm dhe të kujdesit për fëmijët që është i shtrenjtë.

Atraktiviteti i Zvicrës vuan sipas sondazhit, sepse zviceranët janë të vrazhdë dhe jomiqësorë.

Gjashtë nga dhjetë të anketuarit thonë të jetë e vështirë për të gjetur miq zviceranë.

Dhe vetëm 43 për qind prej tyre i përshkruajnë zviceranët si miqësorë. Jomiqësorë si zviceranët janë vlerësuar të jenë francezët, sauditët, ata në Kuvajt dhe çekët.

Vështirësitë e integrimit dhe qëndrimi jomiqësorë i zviceranëve janë shkaktarët që vendi të mos jetë më atraktiv nga ekspertët e huaj, siç shkruan InterNations në një deklaratë për media.

Organizata në të njëjtin sondazh një vit më parë Zvicrën e kishte renditur të katërtën në listë.

Në anketën e më shumë se 14.000 ekspertëve të huaj “expat”, Ekuadori është shfaqur si destinacioni më i mirë në mbarë botën. Pastaj vjen Amerika Jugore, Meksia, Malta, Singapori,

Luksemburgu, Zelanda e Re dhe Tajlanda. Një total prej 64 vendeve të synuara: Kuvajti, Greqia dhe Nigeria janë vlerësuar të jenë destinacionet më të papëlqyeshme për ekspertët e huaj “expat”.

InterNations operon një rrjet global të ekspertëve të huaj dhe pretendon të ketë 1.8 milionë anëtarë.

---