Zviceranët blejnë më shumë ‘online’ jashtë vendit

Vitin e kaluar zviceranët kanë blerë 7.8 miliardë franga zvicerane në dyqanet online. Bëhet fjalë për një rritje prej 8.3 për qind, në krahasim me vitin paraprak.

Shitësit në internet kishin ofruar kryesisht pajisje elektronike të konsumit, të tilla si televiziorë apo kompjuterë. Kjo u pasua me rroba dhe këpucë, siç bëhet e ditur nga një studim nga kompania hulumtuese e tregut, GfK, përcjell albinfo.ch.

Gjithnjë e më shumë prej këtyre pagesave shkuan jashtë shtetit: Blerjet e huaja në internet janë rritur në vitin 2016 me 18 për qind. Që nga viti 2012 blerjet jashtë vendit janë dyfishuar.