Zvicër, vende pune në sektorët e turizmit, shëndetësisë dhe hotelerisë

Ka kohë që Zvicra është në kërkim të punëtorëve të rinj në disa sektorë, ku është nevoja më e madhe. Ani pse vendi me pagat më të larta në Evropë dhe me rreth 9 milionë banorë, po vuan mungesë të theksuar krahu pune, sidomos në sektorët e turizmit, shëndetësisë dhe hotelerisë, njofton albinfo.ch.

Konkurset e punëve, tani më edhe në faqen zyrtare të qeverisë, kanë pasqyruar shumë informacion të detajuar mbi numrin e punonjësve të kërkuar dhe profesionet që kanë mungesat më të mëdha.

Vetëm për periudhën aktuale janë nevojat për më shumë se 114 mijë punonjës të rinj në një seri profesionesh.

Nevojat më të mëdha, ku edhe haset vështirësi e vazhdueshme për të gjetur punonjës të gatshëm për punë, janë në sektorin e turizmit dhe shëndetësisë.

Kamerierët, infermierët dhe specialistët e IT-së janë ndër më të kërkuarit.

Por, edhe në të tjera fusha ka mungesa të ngutshme: profesionet elektricistë, saldatorë, mekanikë, agjentë dhe menaxherë shitjesh, shoferë kamionësh dhe mjetesh të tjera të tonazhit të rëndë, hamej (transportues mallrash), por edhe punën të lehta si recepsionistë/e, asistentë/e zyre.