Zvicër: Taksa për vizitat në urgjencë konsiderohet e panevojshme

(KEYSTONE/Georgios Kefalas)

Kushdo që do të paraqitet në dhomën e urgjencës spitalore për një sëmundje të vogël, në të ardhmen do të duhet të paguajë nga xhepi një tarifë prej 50 frangash. Kjo masë është miratuar nga Komiteti i Çështjeve Sociale dhe Shëndetësisë i Këshillit Kombëtar (SGK-N), i cili votoi në favor të një projektligji të gjatë dhe të debatueshëm për të vendosur një “taksë” mbi rastet e vogla në dhomat e urgjencës.

Ky vendim përfaqëson një kthesë të madhe, pasi ideja ishte refuzuar pothuajse unanimisht gjatë fazës së konsultimeve paraprake. Sipas propozimit, pacientët që paraqiten në urgjencë pa rekomandimin paraprak të një mjeku dhe me simptoma që nuk konsiderohen urgjente, do të duhet të përballojnë vetë koston, pasi sigurimet shëndetësore nuk do ta mbulojnë këtë shërbim, shkruan The Local.

Që propozimi të hyjë në fuqi, duhet të shqyrtohet dhe miratohet nga Këshilli i Shteteve në vijim.
Debati pritet të vazhdojë, ndërsa opinioni publik dhe profesionistët e shëndetësisë ndajnë mendime të ndryshme mbi efektet e mundshme të kësaj mase në sistemin shëndetësor, transmeton albinfo.ch.