Zvicër: Mos harroni: radar-detektorët janë të paligjshëm

Keystone (AP Photo/Claude Paris)

Përpjekja për të “mposhtur” kamerat e shpejtësisë në Zvicër mund t’ju kushtojë shtrenjtë.

Një banore nga Gjermania është gjobitur me 100 franga pasi autoritetet gjetën një radar-detektor në makinën e saj – një pajisje që është e ndaluar sipas ligjit zviceran.

Zyrtarët thonë se këto pajisje, të cilat përdoren për të zbuluar kontrollet e shpejtësisë, janë të paligjshme jo vetëm për përdorim, por edhe për import dhe posedim, pasi ato minojnë zbatimin e rregullave të trafikut.

Një hetim i gazetës Blick ka zbuluar se këto pajisje mund të blihen lehtësisht online nga jashtë dhe shpesh kalojnë kufirin pa u vënë re, transmeton albinfo.ch.

Autoritetet doganore paralajmërojnë se, nëse zbulohen, pajisjet konfiskohen dhe zakonisht shkatërrohen, ndërsa pronarët gjobiten.