Tematike
Zvicër: Një nismë kërkon që trajtimi i dhëmbëve të bëhet pa pagesë
Deputetja e gjelbër Katharina Prelicz-Huber, me mbështetjen e PS-së ka paraqitur iniciativën parlamentare "Të bëjmë trajtimin dentar të përballueshëm"
Pavarësisht primeve të larta dhe rritjes së tyre të vazhdueshme, e majta në Parlamentin e Zvicrës (PS dhe të Gjelbrit) kërkojnë që në të ardhmen të mbulohen edhe vizitat dentare – përfshirë higjienën dentare. Pagesa nuk do të bëhej përmes sigurimit shëndetësor, por përmes tatimpaguesve, gjegjësisht me riorientimin e taksave të shtetit, për këtë destinim, transmeton albinfo.ch. Siç dihet, vizita te dentisti sot nuk mbulohet nga sigurimi bazë i detyrueshëm.
“Deri në një të pestën e njerëzve që kanë nevojë për trajtim dentar nuk shkojnë sepse kanë frikë nga fatura”, thotë politikanja nga Partia e Gjelbër, deputetja Katharina Prelicz-Huber. Dhe kjo është fatale”, thotë ajo, shkruan 20minuten.ch.
Deputetja e gjelbër ka paraqitur iniciativën parlamentare “Të bëjmë trajtimin dentar të përballueshëm”. Iniciativa u bashkënënshkrua nga deputetë të njohur të PS-së dhe të Gjelbërve, në mes të të cilëve ehde nga bashkëdrejtuesja e PS Mattea Meyer. Dhoma Nacionale e Parlamentit të Zvicrës do të vendosë për këtë javën e ardhshme.
“Dhëmbët janë pjesë e trupit dhe nëse dikush ka dhimbje dhëmbi, por nuk ka para për të paguar trajtimin, ai person nuk shkon te dentisti dhe kjo mund të ketë pasoja për të gjithë trupin”, thotë Prelicz-Huber, përcjell albinfo.ch. “Deri në një të pestën e njerëzve që kanë nevojë për trajtim dentar nuk shkojnë sepse kanë frikë nga fatura. Dhe kjo është fatale”, thotë ajo.
Nga ana tjetër, e djathta është fuqimisht kundër. Kështu, deputeti i SVP-së Rémy Wyssmann kundërshton “një zgjerim të mëtejshëm të sigurimit të detyrueshëm shtetëror, veçanërisht në fushën e stomatologjisë private”. Ai thotë se edhe në gjendjen e sotme ka së tepërmi “shtet” në fushën e shëndetësisë gjegjësisht në sigurimin shëndetësor. “Dhe në fund, shpenzimet prej miliardash të një sistemi të tillë joefikas duhet të përballohen nga taksapaguesi”. Sipas Wyssmann, nacionalizime të tilla nuk çojnë në përmirësim, por në një përkeqësim për të gjithë”.
Edhe sigurimet shëndetësore kanë kritikuar iniciativën në fjalë.
E-Diaspora
-
Gjenevë
Gjenevë: Ramë Dardania sjell ekspozitë më 14 qershor Ramë Dardania sot shpalos ekspozitën e tij në Festivalin FIFOG...
-
Mentor Latifi është emëruar ambasador i ri i Kosovës në Zvicër
-
Spanjë: Vlerësohet shfaqja “Ëndrrat e Hamletit” e Mentor Zyberajt
-
Kanada
Kanada: Tenori me famë botërore, Ramë Lahaj, sjell “Traviata” e Xhuzepe Verdit
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik