Zvicër: 23 pjesëtarë të ushtrisë janë nën masën e izolimit

(KEYSTONE/Salvatore Di Nolfi)

Në Bremgarten AG, 23 anëtarë të ushtrisë duhej të izoloheshin të premten. Siç raporton “20 Minuten”, VBS konfirmoi se personat vuanin nga një sëmundje gastrointestinale. Ata u ndanë nga pjesa tjetër dhe janë nën kujdesin e profesionistëve mjekësorë”. Nuk mund të jepen ende detaje të tjera, tha zëdhënësja e ushtrisë Delphine Schwab-Allemand.

Siç tha për Blick një pjesëtar i ushtrisë i cili është vetë në mesin e të sëmurëve, e gjithë kjo filloi të enjten në mbrëmje. “Që atëherë, mjeku i ushtrisë ka punuar gjatë gjithë kohës me ushtarët mjekësorë”. Nuk dihet ende se çfarë i ka shkaktuar ankesat, “të gjithë jemi në pritje të rezultateve laboratorike”. Megjithatë, helmimi nga ushqimi nuk është shqetësimi kryesor për momentin, tha ushtari./Blick