Zgjatet jeta mesatare e zviceranëve

Statistikat e fundit tregojnë se jeta mesatare e meshkujve në dekadën e parë të shekullit 21 është rritur për 2.9 vite ndërsa te gratë, 1.7 vite

Keystone

Jetëgjatësia mesatare e zviceranëve ka vazhduar të rritet. Gratë jetojnë mesatarisht 84.5 vjet ndërsa burrat, 80.1, thuhet në një njoftim nga Zyra Federale e Statistikave. Këto shifra tregojnë se jeta mesatare e meshkujve në dekadën e parë të shekullit 21 është rritur për 2.9 vite ndërsa te gratë, 1.7 vite.

Përcaktuese për këtë shtim të jetëgjatësisë është zvogëlimi i numrit të vdekjeve nga sëmundjet kardiovaskulare dhe nga kanceri.

Sipas statistikës së përmendur jeta mesatare në Zvicër gjatë 130 viteve të fundit është dyfishuar.

Në botë“Prognoza” për jetëgjatësinë si te gratë ashtu dhe te burrat e Zvicrës në momentin e lindjes është ndër më të lartat në botë. Te meshkujt, vetëm islandezët qëndrojnë më mirë se zviceranët ndërsa te femrat, zviceranet janë në evndin e katërt në botë pas japonezeve, spanjolleve dhe francezeve.

Më tutje statistikat tregojnë se njerëzit e martuar, të të dyja gjinive, jetojnë më gjatë se të pamartuarit dhe ata/ato që janë ndarë