Zbulohet roboti që shëtit vetëm nëpër qytet

Në Universitetin e Freiburgut në Zvicër është zhvilluar roboti i parë që mund të lëvizë vetëm nëpër qytet. Ai është quajtur “Obelix” dhe të martën në Freiburg kaloi provën e tij të parë publike.

Roboti që peshon 100 kilogramë ka përshkuar rrugën katërkilometërshe për rreth 90 minuta.

«Obelix” është i programuar për të gjetur vetëm rrugën nga pika e fillimit deri në objektin e paracaktuar nga dirigjuesi. Roboti në fjalë mund të zbulojë pengesat në rrugë dhe të ndërrojë drejtimin.

Roboti “Obelix” në të ardhmen mund të bëjë shoping vetëm, tha Burgard. Për më tepër, ai mund të përdoret si një udhëzues nëpër qytet. Për ndërtimin e një roboti si “Obelix” duhen rreth 125 mijë euro.

Shkencëtarët e ETH Cyrihut kanë qenë mjaft të dobishëm në krijimin e robotit. Ata ishin përgjegjës të zbulojnë aftësitë e “Obelix” për t’i njohur shenjat e komunikacionit dhe semaforët.

Sistemi me të cilin roboti gjen rrugën është një zbulim i ETH-së në Cyrih. Dhe në fund vjen edhe pamja e jashtme nga shkencëtarët zviceranë nga Cyrihu.

Projekti për zbulimin e robotit kishte zgjatuar tre vjet. Nga Universiteti i Freiburgut janë investuar më shumë se gjashtë milionë euro.

“Obelix” është zhvilluar si pjesë e projektit ndërkombëtar “European Robotic Pedestrian Assistent” (EUROPA). Në këtë projekt kompjuterik kanë qenë të përfshirë studiues të informatikës nga Universiteti i Freiburgut në Gjermani, ETH në Cyrih të Zvicrës, RWTH Aachen Gjermani, universitetet e Oksfordit në Londër dhe Leuven në Belgjikë, si dhe firma zvicerane “Bluebotics”.