Zbulohet një pjesë e re e trupit në tru

Ky është një zbulim i rëndësishëm, i cili është bërë nga një francez: një pjesë e re e trupit të njeriut është zbuluar nga Antoine Louveau, postdoktorant në Universitetin e Virxhisë, njofton albinfo.ch. Jo, nuk kemi të bëjmë me një gjisht të ri apo një pjesë të veshit të ri, por me një pjesë të padukshme, e cila gjendët në tru: një enë limfatike, e cila ushqen trurin, ndërsa mendohej që nuk kishte asnjë enë në atë vend.

Këto enë të gjakut ishin të fshehura aq mirë sa që i kanë shpëtuar çdo disekimi anatomik të kryer nga shkencëtarët deri tani. Ky zbulim i botuar në revistën Nature ka tronditur komunitetin shkencor.

Shpresë për sëmundjet neurodegjenerative

Deri më tani shkencëtarët gjithmonë kanë pasur vështirësi të kuptojnë se si prodhohet inflamacioni në tru. Gjatë një inflamacioni të trupit molekulat patogjenike kalojnë përmes tipit të qelizave limfatike. Por, si këto qeliza pastaj hyjnë në sistemin qendror nervor? Enët limfatike mund të jenë lidhja që i mungonte shpjegimit.

Ky hulumtim gjithashtu ofron prova të reja për të kuptuar sëmundjet neurodegjenerative, të tilla si Alzheimer ose sklerozën e shumëfishtë, të cilat përfshijnë akumulim masiv të proteinave në tru.