Zbulohet “ilaqi” që ndalon plakjen?

Eksperimenti është bërë me minj të moshës dyvjeçare. Ata, pas një trajtimi njëjavor kanë pasur treguesit e një moshe të minjve gjashtëmuajsh

Hulumtuesit shkencorë të Harvard Medical School (“Cambridge Masachussetts, SHBA) kanë bërë eksperimente duke testuar ndikimin e ko- enzimës Nicotinamidadenindinukleotid (NAD) në plakjen e qelizave. Dhe me këtë rast kanë zbuluar se furnizimi me një dozë më të madhe të NAD mundet jo vetëm ta ndalojë por edhe ta kthejë mbrapshtë procesin e plakjes së qelizave.

Eksperimenti është bërë me minj të moshës dyvjeçare. Ata, pas një trajtimi njëjavor kanë pasur treguesit e një moshe të minjve gjashtëmuajsh. Nëse NAD shkakton një proces të ngjashëm të përtëritjes edhe te njeriu, mbetet akoma e pastudiuar, shkruan die Welt.

Shkencëtarët që kanë bërë këtë zbulim, në eksperimentin e ardhshëm me minj duan të zbulojnë nëse shtimi i thjeshtë i sasisë së NAD në ujin e pijes do të japë rezultatin e njëjtë pozitiv sikur në eksperimentin e parë.

Edhe pse për koenzimën NAD shumë njerëz mund të mos kenë dëgjuar kurrë, ajo është e njohur prej kohësh nga shkenca dhe e pranishme gjithandej si dhe e lehtë për tu gjetur në ambientet ku jetojnë njerëzit. Por eksperimenti i parë që ka arritur të dëshmojë efektin e përtëritjes, së paku te minjtë, është ky i realizuar nga Harvard Medical School.