Zamfina Rexhaj vjen me një libër dygjuhësor me poezi

Një zë i ri nga diaspora: 26-vjeçarja publikon librin e saj të dytë dygjuhësor “Gefühle können sprechen – Ndjenjat mund të flasin”

Me krenari të veçantë njoftohet publikimi i librit të dytë nga autorja e re dhe shumë premtuese, Zamfina Rexhaj, e cila me vetëm 26 vjeç po i jep letërsisë shqiptare dhe gjermane një frymë të re dhe të ndjerë. Libri i saj më i fundit, “Gefühle können sprechen – Ndjenjat mund të flasin”, është një koleksion poezie që ndërthur bukur dy botë – atë gjermane dhe shqiptare – për të treguar ndjenjat që nuk njohin kufij gjuhësorë apo kulturorë.

Pas suksesit të saj të parë me librin “Gefangen zwischen Zukunft und Vergangenheit”, ku autorja trajtoi kujtimet e dhimbshme dhe të paharrueshme të Luftës së Kosovës në vitin 1998, ky botim i dytë eksploron hapësirat më intime të shpirtit njerëzor. Me poezi të shkruara në gjermanisht dhe shqip, ajo dëshmon se gjuha e zemrës dhe e origjinës mbeten gjithmonë të pranishme, pavarësisht distancës gjeografike apo kohës.

“Ky libër është dëshmia ime personale që gjuha e atdheut nuk harrohet kurrë,” thotë Zamfina Rexhaj. “Edhe pse jam rritur këtu, në Zvicer, ndjenjat dhe rrënjët e mia shqiptare kanë mbetur gjithmonë pjesë e imja, dhe kjo është ajo që kam dashur të ndaj me lexuesit përmes këtij libri”.

“Gefühle können sprechen – Ndjenjat mund të flasin” nuk është thjesht një libër poezie, por një urë lidhëse mes brezave dhe kulturave. Poezitë e saj flasin për dashurinë, dhimbjen, nostalgjinë dhe fuqinë e kujtimeve, të gjitha të përkthyera me përpikëri dhe dashuri në të dyja gjuhët. Ky dualizëm gjuhësor është një homazh për trashëgiminë shqiptare të autores dhe jetën e saj në Zvicer, duke reflektuar identitetin e saj të dyfishtë.

Për të rinjtë, suksesi i Zamfinës është një frymëzim që tregon se asgjë nuk është e pamundur me përkushtim dhe dashuri për artin. Të kesh botuar dy vepra letrare në moshën 26-vjeçare është një arritje e jashtëzakonshme, veçanërisht kur këto vepra bartin mesazhe kaq të fuqishme dhe personale.

Rreth autores: Zamfina Rexhaj, e lindur në Zvicër me origjinë nga Istogu, është një autore e re dhe premtuese, e cila po lë gjurmë në letërsinë dygjuhësore. Përveç pasionit për shkrimin, ajo punon si mësuese në një shkollë profesionale në Cyrih dhe ka përfunduar studimet në drejtësi. Shtëpia botuese: Books on Demand GmbH In de Tarpen 42 22848 Norderstedt Kontakt: Zamfina Rexhaj Scheuergasse 4a 5210 Windisch +41762256220

---