Lajme
Zaev-Rama-Vuçiç takohen në Ohër
Kryeministri Edi Rama dhe presidenti serb Alexandër Vuçiç kanë mbërritur në Ohër, aty ku do të mbahet samiti për zbatimin e katër lirive të Bashkimit europian.
Dy liderët, së bashku me kryeministrin e Maqedonisë se Veriut, Zoran Zaev, u takuan në orën 17.30, duke pasur në fokus bashkëpunimin rajonal. Biseda i paraprin samitit të së dielës, ku janë ftuar të gjitha vendet e Ballkanit Perëndimor dhe partnerët europianë të nismave rajonale.
Pas takimit të parëtrepalësh në Novi Sad të Serbisë, ku u nënshkrua marrëveshja për një “minishengen” ballkanik mes kryeministrit Edi Rama, presidenti serb Aleksandër Vuçiç dhe kryeministrit të Maqedonisë së Veriut, Zoran Zaev, samiti i radhës konsiderohet si një hap më shumë drejt konkretizimit të projektit trepalësh, shkruan vizionplus.tv, përcjell albinfo.ch.
Në samit do të marrë pjesë edhe kryetari i Këshillit të ministrave të Bosnjë e Hercegovinës, Denis Zvizdiq dhe ministrja e Ekonomisë e Malit të Zi, Dragica Sekuliq. Ndërsa do të mungojë ministri i Jashtëm në detyrë i Kosovës, Behgjet Pacolli, i cili sqaroi se e ka marrë ftesën vonë e se ndodhet jashtë shtetit, duke e pasur të pamundur pjesëmarrjen në samit.
Mesditën e së dielës liderët do të japin konkluzionet e takimit në një konferencë ëpr shtyp. “Minishengeni” Ballkanik pritet të vihet në jetë brenda vitit 2021 dhe do të krijojë mundësinë që qytetarët të kalojnë kufijtë vetëm me kartë identiteti.
Një ditë më parë, i dërguari special i Uashingtonit për Ballkanin Perëndimor, Matthew Palmer, deklaroi se SHBA e mbështet projektin e bashkëpunimit mes këtyre vendeve, duke theksuar se dyert janë të hapura edhe për Kosovën, Malin e Zi dhe Bosnjë e Hercegovinën.
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?