Shqipëria
Xhafaj: Audiopërgjimi është mashtrim, nuk jap dorëheqje
Ministri i Brendshëm i Shqipërisë, Fatmir Xhafaj, ka dalë mbrëmë në një konferencë për media, ku foli për akuzat e shumta që i janë bërë nga opozita lidhur me vëllain e tij.
Ai tha se vëllai i tij nuk do të bënte asnjë ditë burg në Shqipëri, ndërsa i konsideroi të pacipë ata që e sulmuan atë, përcjell albinfo.ch.
Xhafaj theksoi se i vëllai ka bërë 1 muaj burgim në Itali në vitin 2012 dhe më pas është dëbuar. Ministri u shpreh se ndiheshin të lënduar familjarisht për gjithçka po ndodhte.
“Audiopërgjimi i paraqitur me pompozitet publikut, është një sajesë, është një mashtrim, nga fillimi deri në fund. Është manipulim dhe i bërë keq. Nëse opozita e ka bërë vetë këtë, dhe sinqerisht, nuk dua ta besoj se është ajo nxitësja dhe realizuesja e këtij akti skandaloz, ajo ka rënë viktimë e tij. Edhe në këtë rast tregoi se sa ligësi prodhon një pjesë e kësaj opozite dhe se sa e etur për pushtet ajo është. Kur këta në opozitë bëjnë këtë gjë, çfarë do t’u bënin kundërshtarëve politikë sikur të ishin në pushtet dhe të përdorin instrumentet e shtetit?! Ruana Zot nga kjo opozitë e papërgjegjshme”, ka thënë ai.
Ministri iu përgjigj edhe kërkesës së opozitës, duke thënë se nuk do të japë dorëheqjen.
“Në asnjë rast nuk kam menduar të jap dorëheqjen për këtë shkak. Kryeministri nuk më ka kërkuar asnjëherë dorëheqjen dhe nuk ka asnjë shkak për dorëheqjen time me këtë rast. Askush nuk mund të më shantazhojë. Nëse mendoni të më mposhtni me sulmet tuaja, gaboni. Thjesht, nuk kam frikë! Askush nuk mund të më shantazhojë”, ka theksuar ai.
E-Diaspora
-
Arbëreshët, kjo rrënjë e fortë e Atdheut! Një grup veprimtarësh nga disa shtete arritëm të bëhemi bashkë dhe nën “hijen e fjamurit të...
-
Shqiptari shpallet studenti më i mirë i policisë së Nju-Jorkut për 2024-ën
-
Osmani u drejtohet bizneseve amerikane në Teksas: Investoni në Kosovë
-
Hapet ekspozita e piktorit shqiptar në Helsinki
-
Xhaka-Gjimshiti, dy shqiptarët në garë për trofeun e Europa League
Jeta në Austri
-
Çfarë duhet të dini për supermarketet në Austri? Austria ka një përzgjedhje të gjerë të supermarketeve cilësore, por ka disa dallime kryesore rajonale për...
-
Çfarë lejohet të bëjnë fëmijët vetëm sipas ligjit austriak?
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit