Vuçiq fyen Policinë e Kosovës, e quan “bandë”

"Nuk është puna juaj ta shkatërroni pronën e popullatës serbe", tha ai.

Presidenti serb, Aleksander Vuçiq, e ka fyer Policinë e Kosovës gjatë konferencës për media pas takimit me përfaqësuesit e serbëve të Kosovës. Ai e quajti “bandë” Policinë e Kosovës, teksa foli me zë goxha të lartë.

Vuçiq tha se “njësitë speciale e kanë pushtuar shumë herë veriun”. Për të shkuar andej, sipas tij, Policia e Kosovës duhet të kërkojë leje nga kryetarët e katër komunave me shumicë serbe, transmeton Express, përcjell Albinfo.ch.

Duke folur për Policinë e Kosovës, Vuçiq tha se detyra e tyre është ta sigurojnë paqen për serbët në Kosovë.

“Nuk është puna juaj ta shkatërroni pronën e popullatës serbe, por të siguroheni që kjo bandë të mos kalojë Ibrin. Për ju barrikadat janë problem, jo ​​kriminelët dhe vendimet e paligjshme. Stoltenberg e konfirmon këtë në intervistën e tij”, ka theksuar Vuçiq.

Pas kësaj, është zbutur, duke thënë se “serbët e dinë çka është NATO”.

“Serbët nuk janë budallenj dhe ata e dinë se çka është NATO, tashmë kanë vuajtur nga NATO dhe nuk iu shkon mendja që ta përjetojnë më”, tha Vuçiq.

Presidenti serb tha se është i sigurt se Perëndimi ka gisht mbi gjithçka që po ndodh në Kosovë./Albinfo.ch

---