Vrasësi i trefishtë, rast psikiatrik

Gjatë shkëmbimit të të shtënave me policët specialë, vrasësi ka pësuar plagë të rënda dhe është duke u trajtuar në spital.

Pas vrasjes së trefishtë që ka ndodhur në mbrëmjen e 2 janarit në Daillon të Valisit opinionit i ofrohet informacione të reja në lidhje me vrasësin.

33 vjeçari nga po ky fshat ka qenë prej vitesh në trajtim psikiatrik dhe për këtë arsye qysh në vitin 2005 i janë marrë armët që i mbante si ushtar rezervist. Ndërkaq, mbetet e paqartë se prej nga i ka siguruar ai armët me të cilat ka kryer vrasjet, një karabinë ushtarake dhe një pushkë gjuetie.

Në një konferncë për medie që kanë mbajtur krerët e policisë kantonale të Balisit është thënë po ashtu se gjatë shkëmbimit të të shtënave me policët specialë, vrasësi ka pësuar plagë të rënda dhe është duke u trajtuar në spital.

Ai kishte shtënë nga banesa e vet mbi një numër personash që gjendeshin në rrugën përballë. Pastaj ka dalë nga banesa dhe ka kërcënuar policët e mbledhur në vendin e ngjarjes.

Të gjithë të vrarët, (tri gra) dhe të plagosurit, dy burra kanë qenë të njohur të tij.

Vrasësi ka qenë i njohur edhe si konsumues i drogës.