Vota e diasporës, 161 899 zarfe me fletëvotimi të mbërritura në KQZ

Procesi i votimit të shqiptarëve që jetojnë jashtë vendit vijon, ndërsa deri sot në orën 10:30, sipas Komisionit Qendror të Zgjedhjeve kanë mbërritur 161 899 zarfe me fletëvotimi, përcjell albinfo.ch.

Referuar të dhënave të publikuara nga KQZ janë 226 037 zarfe të marra nga zgjedhësit, ndërsa në total janë 245 935 zarfe të dërguara. Janë 19 898 zarfe me fletë votimi ende të patërhequra nga votuesit.

Numrin më të lartë të kthimeve e mban Italia me 68 302, ndjekur më pas nga Greqia më pas Gjermania. Sipas qarqeve, kryeson Tirana me 37 236 zarfe, Fier 21 264, Durrës 18 030.

Çdo votë që mbërrin në Shqipëri në datën 11 maj, pas orës 19:00, do të konsiderohet e pavlefshme.

Vendi i caktuar për administrimin e këtij procesi është Pallati i Sportit “Feti Borova”, pranë Parkut Olimpik Tiranë.