“Volvo” do të ndalojë shitjen e makinave me lëndë djegëse

Është bërë e ditur se prodhuesi i makinave “Volvo”, në pronësi kineze, ka njoftuar se do të ndalohet shitja e makinave që punojnë me lëndë djegëse fosile deri në vitin 2030, për shkak të presionit për të trajtuar krizën e klimës.

“Volvo” ka njoftuar që automjetet e saj të reja elektrike do të shiten vetëm në internet, shkruan CNN, përcjell albinfo.ch.

Ndërkohë, marka suedeze tha se si pjesë e tranzicionit, dëshiron që gjysma e shitjeve të saj më 2025 të jenë makina elektrike, dhe gjysma tjetër hibride. Kjo do të thotë se do të ndalojë shitjen e automjeteve të mundësuar vetëm nga benzina ose nafta.

Synimet janë agresive për një kompani që ka sjellë vetëm një automjet plotësisht elektrik, XC40 Recharger, në treg.

Por ato pasqyrojnë një konsensus në rritje që prodhuesit e makinave nuk mund të vonojnë kalimin në automjete elektrike pa humbur klientët dhe rregullatorët e zemëruar.

“Volvo” tha se do të investojë shumë në shitjet në internet dhe “zvogëlon rrënjësisht” kompleksitetin e ofertave të saj të produkteve, ndërsa çmimi do të jetë transparent.

Strategjia është e ngjashme me atë të përdorur nga udhëheqësi i tregut të makinave elektrike Tesla, i cili i shet vetëm në internet.