Volkswageni me “tunel” për aerodinamikë të veturave

Volkswageni ka shpalosur planet për një listë të re të veturave deri në fund të dekadës dhe thotë se është duke punuar aktualisht në 50 modele të reja.

Për të përshpejtuar zhvillimin, kompania ka investuar 100 milionë euro në një Tunel të Erës me bazë në Wolfsburg të Gjermanisë.

Hapësira e kësaj qendre është 8800 metra katrorë dhe i mundëson VW-së të vlerësojë aerodinamikën e veturave për vetëm 20 minuta. Brenda tunelit ka erë që frynë në shpejtësi deri në 250 kilometra për orë në mënyrë që veturat e VW-së t’i përshtaten të gjitha kushteve të mundshme në trafik.

Ky tunel do të mundësojë edhe reshjet e shiut, borës dhe të mjegullës, transmeton Albinfo.ch.

Volkswagen shpreson që me tunelin e ri të sjellë edhe veturat më të mira në tregun e veturave elektrike.