Volksvagen mbyll fabrikat në Rusi, njejtë pritet të veprojnë edhe kompani tē tjera

Rusia është goditur edhe në industrinë automobilistike.

Grupi gjerman Volksvagen ka zyrtarizuar vendimin se do të pezullojë menjëherë prodhimin  e automjeteve të tyre në Rusi, përcjell Albinfo.ch.

Gjiganti automobilistik, sipas Cnn, prodhon në Rusi në dy fabrika që ndodhen në qytetet Kaluga dhe Nizhny Novogrod, ku janë të punësuar rreth 500 punonjës që prodhojnë çdo vit rreth 200 mijë automjete.

Kompani të tjera që prodhojnë në Rusi, si Ford dhe Renault, mund të marrin vendime të ngjashme.

Ne të njëjtën kohë, kompania theksoi se do të pezullojë totalisht edhe importin e automjeteve të saj në territorin rus.

Vendimi drastik i kompanisë me seli në Wolfsburg nuk pritet të jetë i vetmi. Kompani të tjera që prodhojnë në Rusi, si Ford dhe Renault, mund të marrin vendime të ngjashme, ndërkohë që kompani si Volvo, Jaguar dhe Land Rover kanë thënë se do të bllokojnë eksportet drejt Rusisë.

 

---