Vjosa Osmani me Albin Kurtin te varri i Rugovës: “Nderojmë kujtimin”

"Nderojmë kujtimin e njeriut që diti të ndërtojë urat më të fuqishme të miqësive"

Ushtruesja e detyrës së Presidentit të Republikës së Kosovës, Vjosa Osmani, bashkë me kreu e Lëvizjes Vetëvendosje, Albin Kurti, kanë bërë homazhe te varri i Presidentit Historik, Ibrahim Rugova, transmeton albinfo.ch.

Osmani tha për media se janë aty bashkë me Kurtin për të nderuar kujtimin e njeriut që bëri bashkë shqiptarët rreth idesë dhe kauzës së lirisë dhe pavarësisë dhe njeriut që ndërtoi urat më të fuqishme të miqësive.

“Jemi këtu për ta nderuar kujtimin e Presidentit Historik, Dr. Ibrahim Rugova. Njeriu që i bëri bashkë shqiptarët rreth idesë dhe kauzës së lirisë dhe pavarësisë dhe njeriu i cili diti t’i ndërtojë urat më të fuqishme të miqësive me shtetet, të cilat akoma na qëndrojnë pranë. Themelet që ai ndërtoi, rruga që ai ndërtoi, përgjithmonë do të mbesin si udhërrëfyes”, tha Osmani.

---