Bota
Virusi HIV po përhapet në Evropën Lindore
OKB-ja u ka bërë thirrje shteteve evropiane që t’i kundërvihen bashkërisht përhapjes së sëmundjes së dobësimit të imunitetit Sida dhe virusit HIV. Evropa ndodhet sot para një sfide më të madhe se Afrika, kur është fjala për luftimin e HIV dhe të Sida-s, tha në Berlin zëvendësdrejtori i Programit të OKB-së për Sida-n (UNAIDS), Luiz Loures.
Në këtë kontekst ai iu referua rritjes së jashtëzakonshme të infeksioneve të reja në Evropën Lindore dhe në Azinë Qendrore, veçanërisht në Rusi.
Eksperti u shpreh në hapje të konferencës së ekspertëve që po zhvillohet në Berlin. Veprimet e mëvetësishme në nivel kombëtar në sfondin e valës së migracionit brenda Evropës nuk mund ta kufizojnë këtë problem, theksoi Loures.
Sylvia Urban, nga kryesia e Aleancës së Aksionit kundër Sida-s në Gjermani, tha se në Rusi, vendi më i prekur i rajonit, vitin e kaluar numri i infeksioneve e tejkaloi shifrën e 100.000. Krahasuar me këtë, në Gjermani vitin e kaluar numri i rasteve të reja me infeksionin HIV është 3200. Rritja e infeksioneve të reja dhe e rasteve të vdekjeve nga Sida në Evropën Lindore dhe në Azinë qendrore është përkundër tendencës mbarëbotërore.
“Qeveria gjermane duhet të kujdeset që Evropa Lindore të mund të përfitojë nga përvoja e Gjermanisë”, theksoi Sylvia Urban, përcjell albinfo.ch.
Gjithashtu duhet të punohet që diskriminimi të mos vazhdojë të pengojë aksesin e grupeve më të prekura tek masat e profilaksisë dhe trajtimit. “Përndjekja e homoseksualëve, e konsumatorëve të drogës dhe të tjera pakica është një katastrofë njerëzore dhe e bën të pamundur parandalimin e HIV”, tërheq vëmendjen Urban.
E-Diaspora
-
Prokuroria zvicerane kërkon 16 vjet burg për Arditin që vrau gruan e tij, Besimen Ardit S. mbyti gruan e tij, Besimen...
-
Me plis e me flamur kombëtar, preshevari diplomon në SHBA
-
Familjarët e Sadik Durakut, në kërkim të informacioneve kur ka kaluar gati një muaj në paraburgim në Serbi
-
Dy filma shqiptarë në Festivalin Ndërkombëtar të Filmit në Gjenevë
-
Ardon Jashari largohet përfundimisht nga Lucerni
Jeta në Austri
-
Avdijaj, më i miri i xhiros së fundit në Austri Futbollisti shqiptar, Donis Avdijaj, është shpallur lojtari më i mirë i xhiros së fundit në Bundesligën...
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë
-
A do të kufizojë Hallstatt i Austrisë turizmin këtë sezon?
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi