Vetura solare prodhon më shumë energji se sa shpenzon

Energjinë e tepërt kjo makinë mund ta shkarkojë në mënyrë automatike në rrjetin Elektrik

Një automobil solar që e kanë konstruktuar një grup studentësh nga Holanda shpenzon më pak energji se sa mund të prodhojë. Automjeti ka emrin Stella Lux dhe mund të shkojë deri në 1000 kilometra largësi.

Energjinë e tepërt kjo makinë mund ta shkarkojë në mënyrë automatike në rrjetin elektrik.

Stella Lux është konstruktuar ashtu që edhe në kushtet e dimrit holandez (me fare pak diell) të prodhojë më shumë energji me burim diellor se sa mund të shpenzojë.

Projekti për prodhimin e këtij lloji të automobilit do të financohet përmes një fushate donacionesh.