Berisha ofron kandidat konsensual për president nga komuniteti egjiptian

"Nëse vërtetë ka mbetur Kosova pa asnjë person që mund të jetë konsensual, ne si komunitet egjiptian jemi të gatshëm me ofru një kandidat konsensual”

Deputeti nga Partia Liberale Egjiptiane, Veton Berisha, ka deklaruar se në emër të komunitetit të tij shpreh gatishmërinë që ta ofrojë nja kandidat konsensual për president të Kosovës.

Sips tij, situata politike aktuale është e paqëndrueshme dhe nuk po ndërmerren veprime konkrete për ta zgjidhur atë.

“Paraqesim shqetësimin se si ka mundësi që në një vend të vogël si Kosova me parti që kanë fituar besimin e qytetarëve nuk arrin të bëjë dot një zgjidhje që është elementare për një konsensus për një person të vetëm i cili do ta drejtonte shtetin.

Bëj thirrje, nuk po e them me ironi, edhe ne nëse vërtetë ka mbetur Kosova pa asnjë person që mund të jetë konsensual, ne si komunitet egjiptian jemi të gatshëm me ofru një kandidat konsensual”, ka thënë Berisha gjatë seancës plenare në Kuvend.

---