Vetëvritet personi që kishte plagosur dy policët

Siç ka bërë të ditur policia kantonale në një konferencë shtypi në mbrëmjen e sotme, 33 vjeçari me emrin Roger S., ka vrarë veten në momentin kur policët e kanë rrethuar dhe kanë dashur ta arrestonin

Personi i cili në mëngjesin e të martës ka qëlluar me armë dy policë në Rehetobel (AR), ka vdekur më vonë duke ia kthyer armën vetes.

Siç ka bërë të ditur policia kantonale në një konferencë shtypi në mbrëmjen e sotme, 33 vjeçari me emrin Roger S., ka vrarë veten në momentin kur policët e kanë rrethuar dhe kanë dashur ta arrestonin, njoftojnë mediat zvicerane.

Ndërkohë autoritetet kanë sqaruar edhe arsyen për të cilën ato kanë dashur të bastisnin banesën e personit tashmë të vdeku, transmeton albinfo.ch. Dyshimi se ai po kultivonte një plantazh të mbyllur të kanabisit ksihte qenë arsyeja e bastisjes së planifikuar. Përveç kësaj, Roger S. ishte i njohur për policinë për disa tentime vrasjeje, për plagosje të rëndë dhe për armëmbajtje pa leje.

Dy policët e plagosur janë në trajtim spitalor dhe njëri prej tyre është në rrezik për jetën.

(Foto: Screenshot nga blick.tv)