Vetëvritet në burg, i akuzuari për vrasjen e të bijës

I dyshuari kryesor për vrasjen e vajzës së tij 4 vjeçe, të kryer në muajin shkurt në Niederlenz (AG) ka kryer vetëvrasje pasditen e të mërkurës. Ai, siç bën të ditur prokuroria e Kantonit Aargau, duke qenë në burg, ka kërcyer nga shkallët dhe i ka marrë vetes jetën.

Personi i sigurimit i cili po e shoqëronte, nuk ka pasur mundësi të parandalonte vetëvrasjen thuhet në njoftim.

I burgosuri ka pësuar një lëndim të rëndë truri dhe kafke dhe për pasojë ka vdekur në spital të njëjtën ditë.

Vajza 4 vjeçe ishte gjetur e vdekur në mbrëmjen e 1 shkurtit në një banesë në Niedelenz. Ajo kishte pasur plagë vdekjeprurëse nga therjet me thikë në zonën e gjoksit. Gruaja 43 vjeçe e të akuzuarit për vrasje, nëna e vajzës ishte gjetur me lëndime të lehta. Ndërsa i dyshuari kryesor për vrasje, personi tashmë i vetëvrarë kishte pasur lëndime të rënda.